Շաբաթ, 12 սեպտեմբերի, 2026 թ.
|
Ստեփանակերտում`   +20 °C

«Այս իրավիճակում Թուրքիայի հետ բանակցությունները նման են ինքնասպանության»․ Շարմազանով

«Այս իրավիճակում Թուրքիայի հետ բանակցությունները նման են ինքնասպանության»․ Շարմազանով
259
Ուրբաթ, 14 հունվարի, 2022 թ., 21:10

ՀՀԿ խոսնակ Էդուարդ Շարմազանովի գրառումը․ «Այս իրավիճակում Թուրքիայի հետ բանակցությունները նման են ինքնասպանության։
Ամիսներ առաջ կապիտուլյանտ ռեժիմի ղեկավարը հարևան Վրաստանի միջոցով հանդիպում էր «մուրում» թուրքերից։
Այնուհետև նշեց, որ Թուրքիայից ստանում է «դրական ազդակներ»։
Եվ դա այն դեպքում, երբ թուրքական «բայրաքթարներն» ընդամենը 1 տարի առաջ հազարավոր հայորդիների զոհաբերման պատճառ դարձան։
Այսօր էլ պաշտոնական Անկարան բոլոր հնարավոր միջոցներով սատարում է Ադրբեջանի հանցագործ ռեժիմին։
Հայաստանի «իշխանությունն» իր հերթին փաստացի «ձեռքերը լվացել» է Արցախից, հրաժարվում է Շուշին ու Հադրութն օկուպացված համարել և մոռացության է տվել պահանջատիրության պայքարը։
Նման իրավիճակում հայ-թուրքական «բանակցությունները» չեն կարող սպասարկել Հայաստանի ու հայության շահերը։
Այն բացառապես թուրքական օրակարգի մաս է և կարող է հանգեցնել հերթական ու վերջնական կապիտուլյացիայի»։

Աղբյուրը`   Էդուարդ Շարմազանով