Հինգշաբթի, 03 հուլիսի, 2025 թ.
|
Ստեփանակերտում`   +17 °C

«Հարց է ծագում՝ ինչպե՞ս է 1918թ․ ադրբեջանական կառավարությունը Երևանն իբր «նվիրել» Հայաստանին»․ իրանագետ

«Հարց է ծագում՝ ինչպե՞ս է 1918թ․ ադրբեջանական կառավարությունը Երևանն իբր «նվիրել» Հայաստանին»․ իրանագետ
311
Երկուշաբթի, 17 հունվարի, 2022 թ., 23:48

Իրանագետ Վարդան Ոսկանյանի գրառումը․ «Թուրքիայում Ադրբեջան հորջորջվող արհեստածին կազմավորման դեսպանն անթաքույց հայտարարել է, որ «առանց Թուրքիայի Ադրբեջանը գոյություն չի ունենա»։
Իրականում նա կարող էր ավելի առաջ գնալ և խոստովանել, որ Ադրբեջան կոչվող կազմավորումը չէր կարող 1918թ․ հայտնվել աշխարհի քարտեզի վրա, եթե Նուրի փաշայի բաշիբոզուկների սվինների վրա օսմանցիների խամաճիկ ադրբեջանական կառավարությունը չհաստատվեր Բաքվում։
Այս համատեքստում հարց է ծագում, թե այդ ինչպե՞ս է, ըստ Բաքվի բռնապետի՝ 1918թ․ ադրբեջանական կառավարությունը Երևանն իբր «նվիրել» Հայաստանին, եթե առանց օսմանյան ուղիղ ներխուժման, ի զորու չէր նույնիսկ մտնել իր մայրաքաղաք Բաքու, որն, ի դեպ, հիմնականում վերահսկում էր հայկական զինուժը»։

Աղբյուրը`   Վարդան Ոսկանյան