Հինգշաբթի, 28 մարտի, 2024 թ.
|
Ստեփանակերտում`   +12 °C

«Վաղն Արջիձորում հանք բացելու առաջին լսումներն են. գյուղացիները տեղյակ չեն». Օլեգ Դուլգարյան

«Վաղն Արջիձորում հանք բացելու առաջին լսումներն են. գյուղացիները տեղյակ չեն». Օլեգ Դուլգարյան
427
Չորեքշաբթի, 19 հունվարի, 2022 թ., 23:24

«Համայնքային համախմբման և աջակցության կենտրոն» ՀԿ ղեկավար Օլեգ Դուլգարյանը ֆեյսբուքյան իր էջում գրել է. «Վաղը, հունվարի 20-ին, ժամը 12:00-ին Ստեփանավան համայնքի Կաթնաղբյուր գյուղում կայանալու են «Ավ Մայնինգ» ՍՊԸ-ի կողմից Լոռու մարզի Արջիձորի հանքային դաշտի Սնկաձորի գունագեղ քարերի և ոսկու հանքերևակումների սահմաններում երկրաբանական ուսումնասիրության աշխատանքների շրջակա միջավայրի վրա ազդեցության նախնական գնահատման ոսկու հանքարդյունահանման համար երկրաբանական ուսումնասիրություններ իրականացնելու հանրային լսումները։
Կապվել էի երկու օր առաջ գյուղացիների հետ, ճիշտն ասած տեղյակ չէին, ինձնից տեղեկացան։
Արդեն իսկ պարզ է, որ գյուղում նախապես պատշաճ իրազեկում չի իրականացվել։
Գրեթե նույն շրջակայքում է գտնվում Արմանիսի հանքավայրը, որը արդեն զգալի վնասներ է հասցրել շրջակա միջավայրին, գյուղատնտեսությանը, ուսումնասիրությունները ցույց են տալիս, որ ծանր մետաղները, որոնցից ամենավտանգավորը մկնդեղը ներթափանցել են հողեր և մարդկանց օրգանիզմ։
Հիմա ի՞նչ, որոշել ենք Ստեփանավանի տարածաշրջանը, Ստեփանավան համայնքը դարձնել մեկ ամբողջական հանքավա՞յր...
Վաղը ես այնտեղ եմ գնալու, ցանկալի է որպեսզի այնտեղ լինեք»:

Աղբյուրը`   Օլեգ Դուլգարյան