«ԵՄ հարգելի՛ գործընկերներ, դադարեք Հայաստանում «սպիսատ» անել ձեր դիվանագիտական անորակ կադրերին»․ Արմեն Աշոտյան

«Որևէ մեկն այսքան վնաս չի տվել համամարդկային ու եվրոպական արժեքներին Հայաստանում, որքան տիկին դեսպանը»,- այսօր՝ ԵՄ պատվիրակության դեմ բողոքի ակցիայի ժամանակ ասաց ՀՀԿ փոխնախագահ Արմեն Աշոտյանը։

«Եվրոպական միությունը վերջերս շատ վատ քաղաքականություն է իրականացնում Հայաստանում։ Այստեղ դեսպան է նշանակում մարդկանց, ում հետո թոշակի է ուղարկում։ Ո՛չ նախորդ դեսպանն էր մի բան, ո՛չ էս մի դեսպանը»,- նկատեց Աշոտյանը։

«ԵՄ հարգելի՛ գործընկերներ, դադարեք Հայաստանում «սպիսատ» անել ձեր դիվանագիտական անորակ կադրերին, դադարե՛ք Հայաստանում գործի նշանակել մարդկանց, որոնք փոխանակ ներկայացնեն եվրոպական արժեքները Հայաստանում, փոխանակ նպաստեն Հայաստանում ժողովդրավարությանը, ամրացնեն մեր կապերը, քայքայում են այդ ամենը, քանզի դառնում են գործող վարչակազմի սպասարկուները»,- նշեց նա։