Սիլվա Համբարձումյանը Ռոբերտ Քոչարյանին կաշառք տալու համար դիմել է Վարդան Օսկանյանին․ մեղադրական եզրակացություն

Այսօր՝ «Սիլվայի գործով» դատական նիստի ժամանակ մեղադրական եզրակացությունն ընթերցելիս, մեղադրող դատախազը նշեց, որ ՀՀ երկրորդ նախագահ Ռոբերտ Քոչարյանը մեղադրվում է «հանրային վտանգավոր այն արարքների համար, որ նա, զբաղեցնելով ՀՀ նախագահի պաշտոնը, իր պաշտոնեական դիրքն օգտագործելով նպաստել է «Թի-Էս-Էս-սի Արմենիա» ՍՊԸ միակ մասնակից և տնօրեն Սիլվա Համբարձումյանի օգտին գործողություններ կատարելուն»։
Մեղադրող դատախազը միաժամանակ հայտնեց նաև, որ «լիցենզիաների ձեռքբերման, աճուրդների առանց խոչընդոտների մասնակցելու և հաղթելու համար Սիլվա Համբարձումյանն իր մտերիմ, ՀՀ ԱԳ նախկին նախարար Վարդան Օսկանյանի միջոցով դիմել է ՀՀ նախագահի աշխատակազմի նախկին ղեկավար Արմեն Գևորգյանին, իսկ վերջինս հանձնարարել է ՀՀ բնապահպանության նախկին նախարարին աջակցել նրան»։

Դատախազը նաև նշեց, որ Սիլվա Համբարձումյանը դիմել է Վարդան Օսկանյանին՝ Ռոբերտ Քոչարյանին կաշառք տալու համար։