Արցախի ԱԺ-ն երկրորդ ընթերցմամբ ընդունեց «Բռնազավթված տարածքների մասին» օրենքը

Արցախի պետնախարար Արտակ Բեգլարյանը թելեգրամյան իր էջում հայտնել է, որ ԱՀ Ազգային ժողովը երկրորդ ընթերցմամբ և ամբողջությամբ ընդունել է «Արցախի Հանրապետության բռնազավթված տարածքների մասին», «Քաղաքացիական օրենսգրքում լրացում կատարելու մասին» օրենքների նախագծերի փաթեթը:

«Մենք քաջ գիտակցում ենք, որ ունենք սահմանափակ իրավական մեխանիզմներ՝ օրենքում նշված գործառույթներն իրականացնելու ու մեր նպատակներին հասնելու համար, բայց պարտավոր ենք առավելագույնս օգտագործել ունեցած իրավական և քաղաքական մեխանիզմներն այդ ուղղությամբ։ Արցախի Հանրապետության տարածքները պետք է դեօկուպացվեն, և մեր քաղաքացիները պետք է վերադառնան իրենց տները»,- գրել է նա: