Զելենսկին սպառնացել է վերանայել Ուկրաինայի՝ միջուկային զենքից հրաժարվելը

Ուկրաինայի նախագահ Վլադիմիր Զելենսկին հայտարարել է, որ բանակցություններ է սկսելու Բուդապեշտի հուշագրի մասնակիցների հետ՝ անվտանգության ապահովման շուրջ։ Այս մասին հայտնում է «Ռիա Նովոստին»։
«Ես նախաձեռնում եմ խորհրդակցություններ՝ Բուդապեշտի հուշագրի շրջանակներում։ Եթե դրանք նորից չկայանան կամ արդյունքում մեր երկրի համար անվտանգության երաշխիքներ չլինեն, Ուկրաինան կունենա. «Ամեն իրավունք՝ համարելու, որ Բուդապեշտի հուշագիրը չի գործում, և 1994 թվականի բոլոր փաթեթային որոշումները կասկածի տակ կդրվեն», - ասել է նա Մյունխենի անվտանգության համաժողովի ժամանակ։
1994 թվականի փաթեթային որոշումները ենթադրում էին, այդ թվում, Ուկրաինայի ոչ միջուկային կարգավիճակը։