Երկուշաբթի, 23 փետրվարի, 2026 թ.
|
Ստեփանակերտում`   +9 °C

Ջոնսոնը զգուշացնում է Երկրորդ համաշխարհային պատերազմի ավարտից հետո ամենամեծ պատերազմի մասին

Ջոնսոնը զգուշացնում է Երկրորդ համաշխարհային պատերազմի ավարտից հետո ամենամեծ պատերազմի մասին
818
Կիրակի, 20 փետրվարի, 2022 թ., 14:00

Մեծ Բրիտանիայի վարչապետ Բորիս Ջոնսոնը BBC-ին տված հարցազրույցում խոսել է Երկրորդ համաշխարհային պատերազմի ավարտից հետո ամենամեծ պատերազմի վտանգի մասին՝ կապված Ուկրաինայի շուրջ իրավիճակի սրման հետ։
Քաղաքական գործչի խոսքով՝ կան որոշ նշաններ, որ Ռուսաստանը «որոշ իմաստով արդեն սկսել է իրագործել ուկրաինական տարածք ներխուժելու ծրագիր»։ Այս մասին հաղորդում է «ՌԻԱ Նովոստի» գործակալությունը։

«Ես վախենում եմ, որ այս ծրագիրը, որին մենք այժմ ականատես ենք լինում, կարող է հանգեցնել 1945 թվականից ի վեր Եվրոպայում ամենամեծ պատերազմին»,- ասել է Ջոնսոնը։

Մեծ Բրիտանիայի վարչապետն անդրադարձել է հետախուզության տվյալներին և ասել, որ ռուսական զորքերն իբր պատրաստվում էին «շրջափակել» Կիևը։ Նաև, վկայակոչելով ԱՄՆ նախագահ Ջո Բայդենի խոսքերը, նա ընդգծել է, որ Մոսկվան մտադիր է «ներխուժում» սկսել ոչ միայն Ուկրաինայի արևելքից, այլև Բելառուսից։