«Մովսես Հակոբյանը, կարծում եմ, ժամանակ կունենա՝ իր հայտարարութունը հետ վերցնելու»․ Անդրանիկ Քոչարյան

«Մովսես Հակոբյանը, կարծում եմ, ժամանակ կունենա՝ իր հայտարարությունը հետ վերցնելու, որովհետև էս աշխատանքների բարոյական կարևորությունը շատ մեծ է»,- այսօր՝ 44-օրյա պատերազմի հանգամանքներն ուսումնասիրող քննիչ հանձնաժողովի նիստում անդրադառնալով ՀՀ ԶՈՒ գլխավոր շտաբի նախկին պետ, նախկին գլխավոր ռազմական տեսուչ Մովսես Հակոբյանի՝ սույն նիստին չմասնակցելու վերաբերյալ հայտարարությանը, ասաց Պաշտպանության և անվտանգության հարցերի մշտական հանձնաժողովի նախագահ, ՔՊ-ական պատգամավոր Անդրանիկ Քոչարյանը։
«Պարոն Հակոբյանը, համոզված եմ, անպայման կգա հանձնաժողով, հակառակ դեպքում ինքը պետք է հանրայնորեն պատասխանի էն հարցերին, որոնք պետք է իրեն տրվեն»,- հավելեց նա:

Հիշեցնենք, որ ավելի վաղ Մովսես Հակոբյանը հանձնաժողովի նիստին մասնակցել-չմասնակցելու վերաբերյալ հայտարարել էր. «Չեմ պատրաստվում գնալ այդ հանձնաժողով, որովհետև ասելիք չունեմ»։ Հակոբյանը նաև նշել էր, որ չի հասկանում հանձնաժողովի ձևավորման իմաստը։