««Եվրանեսթ» ԽՎ-ի բյուրոյի նիստում ընդունվել է բանաձև, որին ես կողմ չեմ քվեարկել»․ Մարիա Կարապետյան

«Երեկ «Եվրանեսթ» ԽՎ-ի բյուրոյի նիստում ընդունվել է բանաձև, որին ես կողմ չեմ քվեարկել»,- այսօր՝ լրագրողների հետ ճեպազրույցում, ասաց Հայաստանի պատվիրակության ղեկավար Մարիա Կարապետյանը։
Հարցին, թե ինչ բանաձևի մասին է խոսքը, Կարապետյանը հրաժարվեց մանրամասնել։

«Բանաձևի բովանդակությունը խմբագրման կենթարկվի բյուրոյի շահագրգիռ անդամների կողմից, կհրապարակվի, կծանոթանաք»։

Դիտարկմանը, թե արդյո՞ք հակառուսական բանաձև է եղել և ինչո՞ւ է որոշվել այն հենց ՀՀ-ում ընդունել, Կարապետյանը նշեց, որ «Եվրանեսթ» ԽՎ-ի օրակարգը ձևավորում են բոլոր երկրների քարտուղարությունները և քաղաքական գործիչները և, նրա խոսքով, պետք չէ օրակարգում առանձին դիտավարություն փնտրել։