«Կոշտ էր». Ավստրիայի կանցլերը՝ Պուտինի հետ հանդիպման մասին

Ավստրիայի կանցլեր Կարլ Նեհամմերը ՌԴ նախագահ Վլադիմիր Պուտինի հետ Մոսկվայում կայացած բանակցություններից հետո ասել է, որ խոսակցությունը շատ կոշտ էր և բաց։ Այս մասին երկուշաբթի հայտնել է Ավստրիական մամուլի գործակալությունը՝ կառավարության ղեկավարին հղումով։

Ինչպես Նեհամերը հայտարարության մեջ ասել է, «սա ընկերական այց չէր»։ «Պուտինին ուղղված իմ ամենակարևոր ուղերձն այն էր, որ այս պատերազմը վերջապես պետք է ավարտվի, քանի որ պատերազմի երկու կողմերում էլ կան պարտվողներ»,- ասել է նա։

Կանցլերը կարծիք հայտնեց, որ նրանք, ովքեր ներգրավված են «պատերազմական ծանր հանցագործությունների մեջ [Ուկրաինայի Բուչա քաղաքում] և այլուր» պետք է պատասխանատվության ենթարկվեն»: Ես նաև հասկացրեցի նախագահ Պուտինին, որ Ռուսաստանի դեմ պատժամիջոցները կշարունակվեն և կխստացվեն այնքան ժամանակ, քանի դեռ մարդիկ մահանում են Ուկրաինայում»,- հավելել է Նեհամմերը։

Նա դարձել է ԵՄ անդամ երկրի կառավարության առաջին ղեկավարը, ով հանդիպել է Պուտինի հետ Ուկրաինայի պատերազմի սկսվելուց ի վեր։ Մինչ այս Նեհամերը Կիևում բանակցություններ է վարել Ուկրաինայի նախագահ Վլադիմիր Զելենսկու հետ։