«Քվեարկելու եմ Մակրոնի օգտին». Սարկոզի

Ֆրանսիայի նախկին նախագահ Նիկոլա Սարկոզին հայտարարել է, որ նախագահական ընտրությունների երկրորդ փուլում քվեարկելու է Ֆրանսիայի գործող նախագահ Էմանուել Մակրոնի օգտին։

«Կքվեարկեմ Մակրոնի օգտին, քանի որ, կարծում եմ, նա անհրաժեշտ փորձ ունի միջազգային ճգնաժամի պայմաններում՝ երկիրը կառավարելու»,- գրել է Սարկոզին՝ Twitter-ի իր էջում։

Ֆրանսիայում նախագահական ընտրությունների առաջին փուլը տեղի է ունեցել ապրիլի 10-ին։ Ֆրանսիայի ՆԳՆ վերջնական տվյալների համաձայն՝ Մակրոնը հավաքել է ձայների 27,84 տոկոսը, Մարին Լը Պենը՝ 23,15 տոկոսը։ Երկրորդ փուլը կկայանա ապրիլի 24-ին։