«Չենք բացառում, որ Ադրբեջանը կփորձի խաղաղության բանակցությունների գործընթացը փակուղի մտցնել՝ դարձնելով նոր ագրեսիվ գործողությունների առիթ»․ վարչապետ

«Ադրբեջանի հետ խաղաղության պայմանագրի ստորագրումը որքան հնարավոր է արագ, այո՛, մտնում է մեր պլանների մեջ, բայց պիտի ասեմ, որ այստեղ էլ իլյուզիաներ չունենք, որովհետև չենք բացառում, որ Ադրբեջանը կփորձի խաղաղության բանակցությունների գործընթացը հնարավորինս արագ փակուղի մտցնել՝ դա դարձնելով Հայաստանի ու Արցախի դեմ նոր ագրեսիվ գործողությունների առիթ»,- ԱԺ-ում՝ ելույթի ժամանակ, հայտարարեց վարչապետ Նիկոլ Փաշինյանը:

«Նույն հաշվարկը ունենք, ի դեպ, նաև դելիմիտացիայի աշխատանքների կապակցությամբ, որովհետև չենք բացառում, որ Ադրբեջանը այդ գործընթացը կօգտագործի Հայաստանի նկատմամբ տարածքային պահանջներ ձևակերպելու համար՝ դե յուրե հայտարարելով, որ ոչ մի տարածքային պահանջ էլ չունի»,- նկատեց նա: