Ինչպես է ձերբակալվել Պուտինի կնքահայր Վիկտոր Մեդվեդչուկը

«Ընդդիմադիր հարթակ՝ կյանքի համար» կուսակցության ղեկավար Վիկտոր Մեդվեդչուկը ցանկանում էր գաղտնի տեղափոխվել Մերձդնեստր, սակայն ուկրաինական հատուկ ծառայությունները խափանել են նրա ծրագիրը։ Այս մասին հայտարարել է Ուկրաինայի անվտանգության ծառայության ղեկավար Իվան Բականովը։

Նա նշել է, որ Մեդվեդչուկը ձերբակալվել է Կիևի մարզում՝ սահման գնալու ճանապարհին։

Բականովի խոսքով՝ ԱԴԾ-ի գործակալները ծրագրել են Մեդվեդչուկին ուղարկել Մոսկվա, իսկ գործողությանը մասնակցել են քրեական հեղինակություններ, որոնք նրա համար ստեղծել են մի քանի «կեղծ մեդվեդչուկներ»։

Բացի այդ, կեղծ տեղեկություններ են տարածվել, որ Մեդվեդչուկը գտնվում է Շվեդիայում, մինչդեռ նրան փորձել են ուղարկել Մերձդնեստր։ Միևնույն ժամանակ, նա նշել է, որ ուկրաինացի զինվորականներն անընդհատ ուղեկցել են քաղաքական գործչին. նրանց նկատմամբ առանձին հետաքննություն է իրականացվելու։