«Որևէ լուծում, որի արդյունքում Արցախը պետք է հայաթափվի, չի կարող ընդունելի լինել ՀՀ-ի համար». Աղաջանյան

«Որևէ լուծում, որի արդյունքում արցախցիները համաձայն կլինեն շարունակել ապրել Արցախում, կարծում եմ, որ դա պետք է ընդունելի լինի բոլորի համար՝ առաջին հերթին արցախցիների: Եթե պայմանն այն է, որ արցախցիների համար դա ընդունելի է, ենթադրում եմ, որ ՀՀ քաղաքացիների և Հայաստանի համար ևս ընդունելի է»,- ԱԺ ճեպազրույցների ժամանակ հայտարարեց Արտաքին հարաբերությունների մշտական հանձանաժողովի նախագահ Էդուարդ Աղաջանյանը:

Մանրամասնելով՝ Աղաջանյանն ասաց. «Խոսքն այնպիսի պայմանների մասին է, որոնց արդյունքում կապահովվեն արցախահայության բոլոր իրավունքները, որի առկայության պայմաններում, ենթադրվում է, որ արցախցիք չեն ուզենա լքել Արցախը, հակառակ պարագայում այն լուծումը, որը կառաջարկվի, բնականաբար, չի լինի ՀՀ շահերին համապատասխան, ոչ էլ արցախցիների: Որևէ լուծում, որի արդյունքում Արցախը պետք է հայաթափվի, չի կարող ընդունելի լինել Հայաստանի Հանրապետության համար»: