«Պատերազմի վտանգն ուռճացվում է, որպեսզի հիմնավորվեն զիջումները». Անդրանիկ Թևանյան

«Մեր ժողովրդին վախեցնում են պատերազմով, որպեսզի, այսպես կոչված՝ տարածություն բացեն: Երբ Նիկոլ Փաշինյանը հայտարարում է՝ «ես տարածություն եմ բացում», ճիշտ է ասում, բայց մինչև վերջ չի ասում: Ինքը տարածություն է բացում թուրք-ադրբեջանական զույգի համար, Արցախը Ադրբեջանի կազմում թողնելու, այնտեղ ռուս խաղաղապահների գոյությունն իմաստազրկելու և, հետագայում, Հայաստանից Գյումրու ռազմաբազան վերացնելու համար: Ահա սա է, որ կոչվում է տարածություն բացել»,- ԱԺ ճեպազրույցի ժամանակ կարծիք հայտնեց «Հայաստան» խմբակցության պատգամավոր Անդրանիկ Թևանյանը:

«Ես ուզում եմ մեր ժողովրդին փոխանցել, որ պատերազմի վտանգ չկա: Պատերազմ Արցախում, դա նշանակում է՝ պատերազմ Ռուսաստանի և Իրանի դեմ, պատերազմ՝ Հայաստանի դեմ: Էս պահին էդ վտանգը չկա, դա ուռճացվում է, որպեսզի հիմնավորվեն զիջումները»,- նշեց Թևանյանը: