«Հայ-ռուսական հարաբերությունները խոր ճգնաժամ են ապրում»․ Խաչիկ Գալստյան

«Անձամբ ես մեծ ակնկալիքներ չունեմ այդ հանդիպումից»,- Ազատության հրապարակում լրագրողների հետ զրույցում, անդրադառնալով Փաշինյան-Պուտին՝ այսօր նախատեսված հանդիպմանը, ասաց քաղաքագետ Խաչիկ Գալստյանը՝ նշելով, որ այն բնութագրում է որպես արարողակարգային հանդիպում։

«Հայ-ռուսական հարաբերությունները խոր ճգնաժամ են ապրում։ Իշխանության ապիկար և հետևողական, ամեն գործողությամբ դաշնակցային հարաբերությունները վտանգելուն միտված քաղաքականությունը հայ-ռուսական հարաբերություններում լուրջ ճեղքվածքներ է առաջացնում, և այն հրապարակային խոսքերը, որ հնչում են իշխանության շուրթերից, դրա մասին են վկայում»,- նկատեց քաղաքագետը։

«Նիկոլ Փաշինյանն իր հայտնի ելույթում տարբեր ֆորմատներով քարը գցեց Ռուսաստանի բոստանը և մի շարք մեղավորների փնտրտուքի մեջ որոշակի լուրջ չափաբաժին հատկացրեց նաև ՌԴ-ին»,- ընդգծեց նա։