Կիրակի, 03 հուլիսի, 2022 թ.
|
Ստեփանակերտում`   +18 °C

«Դադարե՛ք ատել, անիծել, հարձակվել մարդկանց վրա՝ ձեզ սթափեցնելու համար»․ Անի Սամսոնյան

«Դադարե՛ք ատել, անիծել, հարձակվել մարդկանց վրա՝ ձեզ սթափեցնելու համար»․ Անի Սամսոնյան
359
Երեքշաբթի, 24 մայիսի, 2022 թ., 02:18

Նախկին պատգամավոր Անի Սամսոնյանը ֆեյսբուքյան իր էջում գրում է. «Մեր շրջապատում կան մարդիկ, ովքեր պատերազմից հետո ապրում են «ոսկե դարի» սինդրոմով: Այդ մարդիկ խցանվել են անցյալի մի իրականության մեջ, որը եղել է կեղծ, բայց արտաքնապես գրավիչ: Այդ մարդիկ կարոտում են խաբեության մեջ ընկղմված իրենց անհոգ, քաղցր, կիսախաղաղ կոմֆորտի օրերը և ոչ մի կերպ չեն կարողանում հաշտվել այն իրականության հետ, որ քարուքանդ է արել բոլոր այդ պատրանքները:

Ոչ մի կերպ չընդունելով իրականությունը և լցված ատելությամբ ներկայի նկատմամբ՝ նրանք նախընտրում են ապրել անցյալով, կարոտել անցյալը և անիծել բոլորին այդ անցյալն իրենցից գողանալու համար: Այս հոգեբանության մեջ մարդն առաջ չի շարժվում, և սա խնդիր է մի երկրի համար, որն առաջ շարժվելու նպատակ է դրել: Հասկանալի է, նաև, որ մյուս կողմից ապագայի անորոշությունն է ստիպում մարդուն հոգեբանորեն խարխափել արդեն իսկ ապրած և գեղեցիկ ընկալված այդպիսի անցյալում:

Դադարեք ատել, անիծել, հարձակվել մարդկանց վրա ձեզ սթափեցնելու համար, քինախնդիր լինել, կառչել միայն անհաջողություններից ու խղճալ ինքներդ ձեզ:

Մենք ապրում ենք այն իրականությունը, որին արժանի ենք: Մտածեք ԱՅՍ մասին»:

Աղբյուրը`   Անի Սամսոնյան