«Որոշ ընդդիմադիր ուժեր իրենց սև գործն արեցին․ նրանց հետ համախմբում չի լինելու»․ Սամվել Կարապետյան

«Պետք է հասկանանք՝ որ կուսակցություններն են իրական ընդդիմություն, հանդիպումներ եղել են իրական ընդդիմադիր ուժերի հետ, որոնք նպատակ ունեն ազատագրել մեր երկիրն այս չարիքի իշխանությունից։ Կան նաև որոշ ընդդիմադիր ուժեր, որոնք իրենց սև գործն արեցին ընտրական փուլում, նրանց մենք համարում ենք Փաշինյանի պրոքսի ուժեր»,- այս մասին «24Նյուզ»-ի հետ զրույցում նշեց «Ուժեղ Հայաստան» դաշինքի առաջնորդ Սամվել Կաարպետյանը՝ անդրադառնալով դիտարկմանը, որ ընդդիմադիր ուժերի կոնսոլիդացիա տեղի չի ունենում։

«Գիտեմ, մեզ քննադատող ընդդիմադիր ուժեր կան, բայց թող իրենց հաշիվ տան՝ ինչո՞ւ իրենք օգնեցին Փաշինյանին՝ մնալու իշխանության։ Մենք մեր ասածներն արել ենք, իսկ իրենք «վառել» են մեր ձայները, մեզ հասանելիք ձայները նվիրել են Փաշինյանին և հիմա ուզում են հանդես գալ ընդդիմադիր դիրքերից։ Չի լինելու ոչ մի տեսակի համախմբում այդ ուժերի հետ»,- ընդգծեց Կարապետյանը։