«Արսեն Նիկողոսյանի բնակարանի խուզարկությամբ թմրանյութ են փնտրում». Սոս Հակոբյան

«Հայրենիք» կուսակցության մամուլի քարտուղար Սոս Հակոբյանը ֆեյսբուքյան իր էջում գրել է. «Ինչպես արդեն հայտնել ենք, Արսեն Նիկողոսյանի բնակարանի խուզարկությամբ թմրանյութ են փնտրում:

Արսենն անգամ ալկոհոլ չի օգտագործում, ուր մնաց՝ թմրանյութ:

Ես միանգամից հասկացա՝ ինչում է բանը. սրանք, Արսենի համարձակության և վճռականության հետ առերեսվելով, մտածել են, թե իրենք ինչ հոգեներգործուն նյութեր, թմրադեղեր և այլ խթանիչներ պետք է ընդունած լինեին, որ գոնե դրանց կեսն ունենային:

Ընկե՛ր ջան, պինդ եղիր, շատ ավելի ստոր և ապօրինի քայլերն անգամ քեզ չեն կարող կանգնեցնել»: