«Իշխանություն կոչվածը գնում է բռնաճնշումների և խուժանապետության ճանապարհով»․ Մարգարիտ Եսայան

ՀՀԿ ԳՄ անդամ Մարգարիտ Եսայանի ֆեյսբուքյան գրառումը․ «Սկսվեց հերթական ռեպրեսիաների շարանը, այս իշխանություն կոչվածը ամեն բան անում է ավելորդ անգամ ապացուցելու, որ գնում է ահաբեկչության, բռնաճնշումների և խուժանապետության ճանապարհով։
Կարծում եմ իշխանության այս տեռորիստական քայլերը համահունչ հակահարված պետք է ստանան։
Իսկ ո՞ւմ համար հասկանալի չէր, որ ԱԺ ամբիոնից նիկոլի հայտնի սպառնալիքից հետո, թե կնստացնի, կգցի ԱԱԾ պադվալ և այլն, հետևելու են այս քայլերը։ Հետևաբար արդյո՞ք դեռ պետք է հանդուրժել, թե՝ պետք է համարժեք դիրք բռնել։ Անշուշտ, դատապարտում եմ ՀՅԴ-ի դեմ այս արշավը, անշուշտ՝ սա անընդունելի է, բայց և համոզված եմ, հիմա և, առհասարակ, կան հիմքեր կառավարությանն անվստահություն հայտնելու, կան այդ հիմքերը, և դա չի կարող անլուրջ լինել։
հ․գ․ եթե պահը այսքան ջղայնացնող չլիներ, գուցե և կատակեի՝ թե կամաց-կամաց հասնում են մեր/ձեր/ տներին, բայց կատակի սիրտ չկա, որովհետեւ, իրոք, երկիրը վերածել են խուժանապետության։ Հիմա՞ էլ լռենք, եղբայրնե՛ր»։