Ռոբերտ Քոչարյանը երկրորդ հայցադիմումն է ներկայացրել Ալեն Սիմոնյանի դեմ
![]() 243 Ուրբաթ, 11 հուլիսի, 2025 թ., 10:06 ՀՀ երկրորդ նախագահ Ռոբերտ Քոչարյանը նոր հայցադիմում է ներկայացրել Ազգային ժողովի նախագահ Ալեն Սիմոնյանի դեմ՝ պահանջելով հերքել արժանապատվությունն ու բարի համբավն արատավորող հրապարակված կեղծ տեղեկությունները և ներողություն խնդրել։ Սա Ռոբերտ Քոչարյանի կողմից Ալեն Սիմոնյանի դեմ ներկայացված երկրորդ հայցն է վերջին մեկ ամսվա ընթացքում, և կարելի է ասել՝ մեկը մյուսի շարունակությունն է։ Այս մասին հայտնում է «Հետք»-ը։ Ազգային ժողովի նախագահը, իմանալով, որ Հանրապետության երկրորդ նախագահը հայց է ներկայացրել իր և վարչապետ Նիկոլ Փաշինյանի դեմ, սոցիալական հարթակների իր էջերում գրառումներ է կատարել այդ մասին, ինչն էլ դարձել է երկրորդ հայցադիմումի հիմք։ «Ռոբերտ Քոչարյանն ինձ և Նիկոլ Փաշինյանին դատի է տվել, պատկերացնո՞ւմ եք: Ոչ թե անվտանգության աշխատակիցները տարել են և այնքան ծեծել, որ մահանամ, ոչ թե դիպուկահարներ են եկել և կրակել վրաս, ոչ թե զինված նախկին դաշնակցականներ են ներխուժել ԱԺ դահլիճ և գնդակահարել ինձ, այլ դիմել է դատարան՝ իր բարի համբավը վերականգնելու համար: Մարդը խաբար չի, որ ոչ մի դատարան չի կարող այն համբավը, որն ինքն ունի, փոխել։ Հետո էլ կասեք՝ բան չի փոխվել Հայաստանում։ Ենթադրում եմ՝ Քոչարյանի նուրբ ներաշխարհն ընկճվել է հենց այս տեսանյութում արտահայտած մտքերիցս: Զարմանալի է՝ ինչո՞ւ չի դիմել դատարան, երբ ասել եմ, որ ինքը շպիոնի կարգավիճակ ունեցող մեկն է և անգրագետ է: Դրա հետ համաձա՞յն է։ Արի է, արիիի…»,- տեղադրելով առաջին հայցադիմումի հիմք հանդիսացած տեսանյութը՝ գրել է ԱԺ նախագահը: Նշենք, որ Ռոբերտ Քոչարյանը Ալեն Սիմոնյանի դեմ առաջին հայցը ներկայացրել է դատարան 2025թ. հունիսի 13-ին։ Այդ ժամանակ ԱԺ նախագահի դեմ հայց ներկայացնելու «պատճառ» է հանդիսացել մայիսի 15-ին լրագրողների հետ ճեպազրույցում հնչեցրած արտահայտությունները, որը վերաբերում է Ռ. Քոչարյանի ունեցվածքին։
Նշենք, որ Ալեն Սիմոնյանի դեմ ներկայացված առաջին հայցադիմումը դատարանը վարույթ է ընդունել, իսկ երկրորդ հայցադիմումը՝ դեռ ոչ, քանի որ ներկայացվել է երեկ՝ 2025թ. հուլիսի 10-ին։ |
««Զանգեզուրի միջանցքի» բացումը կընդլայնի Միջին միջանցքի ներուժը»․ Հաջիև
310:07Լուկաշենկոն կոչ է արել Արևմուտքին օրինակ վերցնել Սի Ծինփինից
3909:49Վլադիմիր Պուտինը քառօրյա այցով ժամանել է Չինաստան (տեսանյութ)
4409:37«Չինաստանի հետ հաստատեցինք ռազմավարական գործընկերություն»․ Նիկոլ Փաշինյան (տեսանյութ)
4709:30««Հումանիտար» Եվրոպայի վախճանը»․ Սուրեն Սուրենյանց
4909:12Նիկոլ Փաշինյանը հանդիպել է Չինաստանի նախագահ Սի Ծինփինի հետ (լուսանկար)
4609:00«Առայսօր պարզ չէ՝ ովքեր են «Զանգեզուրի միջանցքի» ֆինանսավորող կողմերը»․ «ՀայաՔվե»
7803:12«Երկու օրից Արցախի անկախության օրն է․ բառերը քիչ են..․»․ Նարեկ Կարապետյան
9901:24