Երկուշաբթի, 16 փետրվարի, 2026 թ.
|
Ստեփանակերտում`   +17 °C

Ալիևը հայտնել է, որ բրյուսելյան հանդիպման ժամանակ պայմանավորվել են «Զանգեզուրի միջանցքի» բացման շուրջ

Ալիևը հայտնել է, որ բրյուսելյան հանդիպման ժամանակ պայմանավորվել են «Զանգեզուրի միջանցքի» բացման շուրջ
1285
Երեքշաբթի, 24 մայիսի, 2022 թ., 10:12

Ադրբեջանի նախագահ Իլհամ Ալիևը հեռախոսազրույց է ունեցել Թուրքիայի նախագահ Էրդողանի հետ ու տեղեկացրել Բրյուսելում տեղի ունեցած եռակողմ հանդիպման (Փաշինյան-Միշել-Ալիև) արդյունքների մասին՝ դրանք անվանելով դրական, գրում է ТАСС-ը՝ հղում կատարելով Ադրբեջանի նախագահի լրատվական ծառայությանը:

«Նա նշել է, որ հանդիպմանը քննարկվել է Հայաստանի և Ադրբեջանի միջև խաղաղության պայմանագրի նախապատրաստման հարցը, Բաքվի ներկայացրած հինգ սկզբունքները, տրանսպորտային միջանցքների բացման, սահմանների սահմանազատման հարցերը»,- ասվում է տեքստում:

Ալիևը նաև հայտնել է, որ բրյուսելյան հանդիպման ժամանակ կողմերը պայմանավորվել են «Զանգեզուրի միջանցքի» բացման շուրջ՝ ներառյալ երկաթուղային և ավտոմոբիլային ճանապարհների կառուցումը։