«Կարծում եմ՝ բավականին լավ, կառուցողական հանդիպում է եղել եղել»․ Գնել Սանոսյան

«Առաջին հանդիպումից տեղյակ եմ, կարծում եմ բավականին լավ կառուցողական հանդիպում է եղել»,- այսօր՝ լրագրողների հետ ճեպազրույցում անդրադառնալով Ադրբեջանի և Հայաստանի փոխվարչապետերի հանդիպմանը, ասաց ՏԿԵ նախարար Գնել Սանոսյանը։

Լրագրողի այն դիտարկմանը, թե նախարարի նշած կառուցողական հանդիպումից հետո հայ-ադրբեջանական սահմանին հայկական կողմը զոհ է ունեցել, Սանոսյանն ասաց․ «Կոնկրետ տվյալ պահի հանդիպումը եղել է կառուցողական, նորմալ հանդիպում։ Օրինակ՝ հիմա ստեղ մեզնից ոչ մեկ իրար չի ծեծում, չէ՞, հիմա եթե դրսում ինչ-որ մարդիկ իրար ծեծեն, չեղավ չէ՞, որ ստեղ էր։
Այնտեղ, որտեղ հանդիպումը տեղի է ունեցել, կառուցողական, նորմալ, մասնագիտական քննարկում է եղել»։

Նախարարի խոսքով՝ առաջին հանդիպման համար բավականին կարևոր հարցեր են բարձրացվել, աշխատանքի որոշակի օրակարգ է սահմանվել։