Կրեմենչուգում ռուսական հարվածի զոհ է դարձել առնվազն 10 մարդ

3704

Երկուշաբթի, 27 հունիսի, 2022 թ., 22:24

Պոլտավայի շրջանային ռազմական վարչակազմի ղեկավար Դմիտրի Լունինի խոսքով՝ Կրեմենչուգում առևտրի կենտրոնի վրա ռուսական հարվածի զոհ է դարձել առնվազն տասը մարդ։

Ուկրաինայի արտակարգ իրավիճակների պետական ծառայությունը հավելել է, որ բուժօգնության է դիմել 40 մարդ, նրանցից 19-ը հոսպիտալացվել են։

Փրկարարները շարունակում են մարել առևտրի կենտրոնում բռնկված հրդեհը:

Ուկրաինայի Զինված ուժերի ռազմաօդային ուժերի հրամանատարությունը հայտնել է, որ Կրեմենչուգի հրթիռային հարձակումն իրականացվել է ՌԴ Կուրսկի շրջանի տարածքից։

Հաղորդագրության մեջ նշվում է, որ Х-22 հրթիռները արձակվել են հեռահար Ту-22 М3 ռմբակոծիչներից։ Ինքնաթիռները օդ են բարձրացել Շայկովկայի օդանավակայանից, իսկ արձակումները կատարվել են Կուրսկի շրջանից, ասվում է հաղորդագրության մեջ։