Հինգշաբթի, 11 օգոստոսի, 2022 թ.
|
Ստեփանակերտում`   +20 °C

«Մի՛ երջանկացեք մի վզի հեռանալով, դրանից բան չի փոխվել». Վահան Հովհաննիսյան

«Մի՛ երջանկացեք մի վզի հեռանալով, դրանից բան չի փոխվել». Վահան Հովհաննիսյան
305
Շաբաթ, 02 հուլիսի, 2022 թ., 12:18

Ինչպես ֆեյսբուքյան իր էջում տեղեկացրել էր Բարձրագույն դատական խորհրդի մամուլի խոսնակ Լիլիթ Շաբոյանը, Բարձրագույն դատական խորհրդի (ԲԴԽ) նախագահի պաշտոնակատար Գագիկ Ջհանգիրյանը առողջական խնդիրների պատճառով հրաժարական է տվել ԲԴԽ անդամի պաշտոնից:

Անդրադառնալով Ջհանգիրյանի հրաժարականին՝ փաստաբան Վահան Հովհաննիսյանը սոցկայքի իր էջում գրել է. «Ջհանգիրյանը հեռացավ, բայց մի՞թե դրանով ավարտվեց վզին դնելու արատավոր պրակտիկան:
Վզին դնողը դեռ շարունակելու է բազում վզերի դնել: Այնպես որ, մի երջանկացեք մի վզի հեռանալով, դրանից բան չի փոխվել: Մի վիզ այս կողմ, մի վիզ այն կողմ...»:

Հիշեցնենք՝ հայտնի ձայնագրության մեջ Ջհանգիրյանն ասել էր՝ «ես էդ պիտի անեմ, էդ իմ վզին դրած ա»: Ավելի ուշ՝ մեկնաբանելով իր՝ «վզիս դրած է» արտահայտությունը, պարզաբանել էր, թե նկատի է ունեցել, որ դա իր առաքելությունն է և որ խոսքը դատաիրավական բարեփոխումների մասին է եղել: