«Դիլիջանի թունելի վատ վիճակը, և նախկին ու նոր Բեզոյանը». Ոսկան Սարգսյան
254 Երեքշաբթի, 05 հուլիսի, 2022 թ., 01:12 Լրագրող Ոսկան Սարգսյանի գրառումը․ «Դիլիջանի թունելի վատ վիճակը և նախկին ու նոր Բեզոյանը Վարորդները դժգոհում են Դիլիջանի ավտոմոբիլային թունելում օդափոխության վատ վիճակից, որտեղով անցնող ավտոմեքենաների այրած գազերը, արտանետած ծուխը խեղդում են մեքենաների ուղևորներին։ Թունելում վատ է նաև լուսավորվածությունը, ասֆալտի ծածկը բազում անհարթություններ ունի։ Դիլիջանի ավտոմոբիլային թունելը սպասարկում է Էդուարդ Բեզոյանի «Ճանապարհ» ՍՊԸ-ն։ Է․ Բեզոյանը Լինսի հիմնադրամի ճանապարհաշինության ծրագրի ղեկավարն էր, 2018-ի թավշյա հեղափոխությունից հետո էլ ճանապարհաշինական և Դիլիջանի ավտոմոբիլային թունելի սպասարկման ծրագրեր է իրականացնում։ ՀՀ կառավարությունը 2022 թվականի մայիսի 19-ի նիստում մեկ անձից գնման ընթացակարգով գնման գործընթաց կազմակերպելու վերաբերյալ որոշում է կայացրել, որով նախատեսվել է Դիլիջանի թունելի պահպանման աշխատանքները ձեռք բերել մեկ անձից գնման ընթացակարգով՝ «Ճանապարհ» ՍՊԸ-ի հետ կնքել պայմանագիր՝ 40 000 000 ՀՀ դրամ ընդհանուր արժողությամբ: 2021 թվականին Բնապահպանության և ընդերքի տեսչական մարմինը հաղորդագրություն տարածեց այն մասին, որ իրականացված ստուգումների արդյունքում բացահայտվել է, որ «Ճանապարհ» ՍՊԸ-ն ընդերքօգտագործման բոլոր ձևերի աշխատանքների ընթացքում չի պահպանել և չի վարել երկրաբանական ու մարկշեյդերական փաստագրություն, գերազանցել է սահմանային թույլատրելի արտանետումների չափաքանակները, արտանետել է 12.579 տոննա անօրգանական փոշի, «Ճանապարհ» ՍՊԸ-ի տնօրենին ներկայացվել էր 3.336.720 ՀՀ դրամի չափով շրջակա միջավայրին հասցված վնասի հատուցման պահանջ, նաև նշանակվել էր, ընդհանուր առմամբ, 300.000 ՀՀ դրամի չափով վարչական տուգանք։ Լինսի հիմնադրամի «Ճանապարհաշինություն» ծրագրի, այնտեղ ծախսված մեծ փողերի մասին շատ է խոսվել, այդ ծրագրի ղեկավարն Էդուարդ Բեզոյանն էր, որի առանձնատան վրա տարիներ առաջ ավազակային հարձակում կատարվեց։ Նիկոլ Փաշինյանի իշխանության տարիներին Բեզոյանը շարունակում է պետական բյուջեի փողերով մեծ ծրագրեր իրականացնել, ինչպես Տավուշի մարզի սահմանամերձ Ոսկեպար գյուղում 300 միլիոն դրամանոց ծրագիրը, որը, իմ տեղեկություններով, ճանապարհաշինական նախագծին ոչ համապատասխան իրականացվեց»: Աղբյուրը` Ոսկան Սարգսյան |
«Այսօր որևէ մեկը չի խոսում թուրքերի կողմից զավթված մեր սեփականության մասին». Տիգրան Պետրոսյան
6403:06«Աննային մուծվում էին նաև, երբ նա «Հայկական ժամանակ» թերթի լրագրող էր». Նարինե Կիրակոսյան
7502:18Դերասան Արման Նավասարդյանը Կիրանցում է (տեսանյութ)
8000:54«Հարյուրավոր մեր քաղաքացիներ իրենց վկայականները ձեռքներն սպասում են ձեզ, այ ըտեղ վեր ընգած ոչմիբաներ». Գառնիկ Դանիելյան (տեսանյութ)
9700:48«Ազգ, որին համառորեն փորձում են դարձնել մաթևոսյանական հանճարով նկարագրված կով». Արմեն Աշոտյան
9300:24«Կիրանցում մարդկանց մի մասն իրենց երեխաներին հանել է գյուղից». Գոհար Վարդանյան
8200:18Ամենայն Հայոց Կաթողիկոսը հոգևորականներին պատգամ է ուղղել
101Երեկ, 23:54«Պոտենցիալ ագրեսոր Ադրբեջանից ստացանք սահմանազատման պրինցիպի ճանաչում». Իոաննիսյան
87Երեկ, 23:38