Բայդենը Սենատի հաստատմանն է ներկայացրել ՀՀ-ում ԱՄՆ նոր դեսպանի թեկնածությունը

ԱՄՆ նախագահ Ջո Բայդենը երկուշաբթի Սենատին է ներկայացրել Քրիստինա Քվիենի թեկնածությունը՝ ՀՀ-ում ԱՄՆ նոր դեսպանի պաշտոնում։ Այս մասին հայտնում է Սպիտակ տան մամուլի ծառայությունը։

Սենատի համապատասխան հանձնաժողովը պետք է լսումների օր նշանակի, որի ժամանակ Քվիենը պետք է պատասխանի օրենսդիրների հարցերին:

Հիշեցնենք՝ Քվիենը եղել է Ուկրաինայում ԱՄՆ գործերի նախկին հավատարմատարը: