«Շատ հաճելի գործընթաց է սկսվել». Ալեն Սիմոնյան

Ինչպես երեկ հայտնեց փաստաբան Ռոբերտ Հայրապետյանը, ՔՊ-ն նախաձեռնել է ընդդիմադիր խմբակցությունների պատգամավորներին մանդատներից զրկելու հարցով ՍԴ դիմելու վերաբերյալ ԱԺ խորհրդի նիստ: Ավելի ուշ մեկնաբանություններում նախկին պատգամավոր Նաիրա Զոհրաբյանը գրեց, որ նախաձեռնությունը հետ են կանչել. «Էս պահին հավես չունեն անելու։ Բայց՝ ինչպես ասել է ԱԺ ինչ-որ մամուլի պատասխանատու՝ «այս պահին»։ Ընդդիմությունը գրագետ քայլ պիտի անի։ Ու հանկարծ չմտածի, որ իրենց զրկեն՝ միջազգային հանրությունը կոչված աջաբսանդալը Նիկոլին դատապարտելու է»:

Լրագրողներն այսօր ԱԺ նախագահ Ալեն Սիմոնյանից հետաքրքրվեցին՝ մանդատների հարցով, ի վերջո, ի՞նչ գործընթաց է սկսվել. «Շատ հաճելի գործընթաց է սկսվել»,- ասաց նա:

Լրացում. ԱԺ կայքում այս պահին տեղադրված է ԱԺ խորհրդի որոշման նախագիծը: