Շրի Լանկայի պաշտոնաթող նախագահն ապաստան կստանա Սինգապուրում

Շրի Լանկայի պաշտոնաթող նախագահ Գոտաբայա Ռաջապակսան այսօր երեկոյան Մալդիվներից կուղևորվի Սինգապուր, որտեղ ապաստան կստանա։ Այս մասին հայտնում է РИА Новости-ն: Այլ մանրամասներ դեռևս չեն հաղորդվում:

Ավելի վաղ հայտնել էինք, որ Ռաջապակսան փախուստի է դիմել երկրից. նա Մալդիվներ է հասել ռազմաօդային ուժերի ինքնաթիռով։ Նախագահի պաշտոնեական լիազորությունները փոխանցվել են վարչապետին, որն արտակարգ դրություն է սահմանել երկրում։

Ցուցարարները պահանջում են նաև վարչապետի հրաժարականը։