«ԵՄ-ը չի չեղարկի պատժամիջոցները, եթե Ուկրաինայում խաղաղությունը լինի Ռուսաստանի պայմաններով». Շոլց

Եվրոմիությունը չի չեղարկի Ռուսաստանի դեմ պատժամիջոցները, եթե խաղաղությունը կնքվի Մոսկվայի «պայմաններով», չնայած նրան, որ շատ գերմանացիներ տառապում են գնաճից, այս մասին ասել է Գերմանիայի կանցլեր Օլաֆ Շոլցը։ «Ռուսաստանի սահմանած պայմաններով խաղաղության դեպքում պատժամիջոցներից և ոչ մեկը չի չեղարկվի»,- նշել է պաշտոնյան:

Հիշեցնենք, որ ի պատասխան Գերմանիայի քաղաքացիների՝ ՌԴ-ի դեմ պատժամիջոցները դադարեցնելու կոչերին, Շոլցն ասել էր, որ Բեռլինը կաջակցի Կիևին այնքան ժամանակ, որքան անհրաժեշտ կլինի։