Ուրբաթ, 29 մարտի, 2024 թ.
|
Ստեփանակերտում`   +11 °C

«Թեհրանի դիրքորոշումն ամբողջովին հայանպաստ համարելը ճիշտ չէ». Սուրեն Սուրենյանց

«Թեհրանի դիրքորոշումն ամբողջովին հայանպաստ համարելը ճիշտ չէ». Սուրեն Սուրենյանց
589
Չորեքշաբթի, 20 հուլիսի, 2022 թ., 15:12

Քաղաքագետ Սուրեն Սուրենյանցի գրառումը. «Իրանի հոգևոր առաջնորդ Այաթոլլահ Խամենեին թվիթերում գրառմամբ կրկնել է Իրանի դիրքորոշումը:

«Մենք ուրախ ենք տեսնել Ղարաբաղի վերադարձն Ադրբեջանին: Իհարկե, եթե Իրան-Հայաստան սահմանը փակելու քաղաքականություն լինի, Իսլամական Հանրապետությունը դեմ կլինի, քանի որ այս սահմանը 1000-ամյա կապող երթուղի է»։

✓ Արդեն երկու օր է՝ պաշտոնական Թեհրանը հետևողականորեն կրկնում է այս դիրքորոշումը։

Այն ամբողջովին հայանպաստ համարելը, ինչպես կարծում են մեր փորձագիտական ու քաղաքական որոշակի շրջանակներ, ճիշտ չէ։

Պաշտոնական Թեհրանը, ըստ էության, ընդունում է 44-օրյա պատերազմի արդյունքները, ավելին՝ Արցախի պատկանելիությունն Ադրբեջանին։

Մյուս կողմից, Թեհրանին ակնհայտորեն դուր չեն գալիս ռուս- թուրքական տարածաշրջանային որոշակի համաձայնություններ ու այս համատեքստում է հիշատակվում հայ- իրանական սահմանի խնդիրը։ Խորապես համոզված եմ, որ Թեհրանն ավելի գլոբալ դժգոհության պատճառ ունի ու ենթադրաբար՝ դա պայմանավորված է ռեգիոնալ համագործակցության համակարգում նրան վերապահված դերակատարությունից։ «Վերապահողները» Թուրքիան ու Ռուսաստանն են, պատահական չէ, որ Իրանի քաղաքական ղեկավարությունն այս դիրքորոշումը երրորդ անգամ կրկնում է՝ Թեհրան Պուտինի ու Էրդողանի այցի համատեքստում։

Համոզված եմ նաև, որ, այսպես կոչված, Զանգեզուրի միջանցքը միայն առիթ է, իսկ Թեհրանի դժգոհություններն ավելի գլոբալ ենթատեքստ ունեն»։