«Ադրբեջանում էյֆորիան կամաց-կամաց սառում է, ի հայտ են գալիս սոցիալական ու տնտեսական խնդիրներ»․ Էլիբեգովա

«Ադրբեջանը հիմա մոտավորապես վերապրում ա այն իրողությունը, որը մեզ մոտ էր Արցախյան առաջին պատերազմից հետո, իրենք հաղթել են պատերազմում, բայց էյֆորիան էնտեղ կամաց-կամաց սառում ա, և ի հայտ են գալիս սոցիալական ու տնտեսական խնդիրներ»,- այսօր՝ «տարածաշրջանը և մենք» թեմայով քննարկմանը, ասաց ադրբեջանագետ Անժելա Էլիբեգովան։

«Երկրի ներսում, սկսած պատերազմի վետերանների սոցիալական ապահովման խնդիրներից մինչև պատերազմի մասնակիցների ինքնասպանությունների դեպքերի կտրուկ աճ, սոցիալական բողոքը կամաց-կամաց սկսում ա զարգանալ։ Ալիևը, իհարկե հնարավորինս ֆինանսապես փորձում ա էդ հարցը լուծել, պետական բյուջեն աննախադեպ մեծ սոցիալական ծախսեր ունի 2022-ին»,- նշեց նա։

«Այնուամենայնիվ, Ադրբեջանը ներսում ունի սոցիալական բողոքի մեծ ռիսկեր, այդ թվում՝ նաև նույն փախստականների խնդիրը, որոնց խոստացել էին, որ շուտով վերադառնալու էին։ Ադրբեջանը իր հիմնական ծախսերն անում ա ռազմական ենթակառուցվածքի՝ ամրացնելու և ճանապարհներ, օդանավակայաններ կառուցելու վրա։ Խաղաղ բնակչության վերաբնակեցման պրոցեսը բավականին բարդ և դանդաղ ա գնում՝ առաջին հերթին ֆինանսական միջոցների սղության պատճառով»,- ասաց Էլիբեգովան։