ԱՄՆ-ի ու «Թալիբան»-ի ներկայացուցիչները հանդիպել են Տաշքենդում
884 Չորեքշաբթի, 27 հուլիսի, 2022 թ., 15:00 Տաշքենդում «Աֆղանստան. անվտանգություն և տնտեսական զարգացում» միջազգային համաժողովում հանդիպել են Միացյալ Նահանգների պատվիրակությունը և թալիբների ներկայացուցիչները։ Կողմերը քննարկել են Աֆղանստանի ոսկեարժութային պահուստների ապասառեցման ուղիները։ Այս մասին գրում է Anadolu գործակալությունը՝ վկայակոչելով աղբյուրներին։ ԱՄՆ հատուկ ներկայացուցիչներ Թոմաս Ուեսթը և Ռինա Ամիրին թալիբների ներկայացուցիչների հետ քննարկել են Աֆղանստանի ոսկու և արժութային պահուստների մի մասի ապասառեցման հնարավորությունը։ Երկիրն այս միջոցների խիստ կարիք ունի։ Առանց նրանց թալիբները չեն կարողանա լուծել վերջին ժամանակներում կուտակված ֆինանսական ու սոցիալական խնդիրները։ Բանակցությունները կենտրոնացած էին 3,5 միլիարդ դոլարի նախնական թողարկման վրա, որը ԱՄՆ նախագահ Ջո Բայդենը հրամայեց ազատել «ի շահ աֆղան ժողովրդի» 7 միլիարդ դոլարի աֆղանական պահուստներից, որոնք պահվում էին Նյու Յորքի Դաշնային պահուստային բանկում: ԱՄՆ-ը ցանկանում է ստեղծել հավատարմագրային հիմնադրամ, միջոցներ, որոնցից աֆղան պաշտոնյաները կկարողանան օգտագործել միայն սոցիալական և տնտեսական կարիքների համար։ Վաշինգթոնը մտավախություն ունի, որ վերադարձված պաշարները կարող են օգտագործվել ահաբեկչությունը հովանավորելու համար։ Թալիբները չեն մերժում հավատարմագրային հիմնադրամի հայեցակարգը, սակայն դեմ են ԱՄՆ-ի առաջարկին՝ երրորդ կողմի վերահսկողություն հիմնադրամի նկատմամբ, որը կպահի և կբաշխի վերադարձված պահուստները: Աղբյուրները նշում են, որ կողմերի միջև զգալի տարաձայնություններ կան, այդ թվում՝ թալիբների հրաժարումը՝ փոխարինել բանկի բարձրաստիճան քաղաքական պաշտոնատար անձանց, որոնցից մեկը գտնվում է ԱՄՆ պատժամիջոցների տակ, ինչպես նաև շարժման մի քանի առաջնորդներ: 2021 թվականի օգոստոսին թալիբների իշխանության գալուց հետո Վաշինգթոնը սառեցրեց Աֆղանստանի 7 միլիարդ դոլարի պահուստները, իսկ միջազգային հանրությունը հետ վերցրեց 1 միլիարդ դոլարի ուղղակի օգնությունը: Արժույթը փլուզվեց, երկրում սկսվեց լուրջ ճգնաժամ։ Վերջին երկրաշարժն էլ էլ ավելի սրեց իրավիճակը երկրում։ |
«Ոտքի՛, քանի չի հանձնել» գրությամբ ցուցանակ՝ Երևանի մուտքի մոտ
2718:30Ապրիլի 25-ի դրությամբ հայ-ադրբեջանական սահմանին տեղադրվել է թվով 20 սահմանային սյուն․ ՀՀ կառավարություն
4918:18«Որպեսզի հեղափոխությունը լինի թավշյա, պետք է ոստիկանությունը դառնա թավշյա». Տիգրան Քոչարյան
7917:24Մակրոնն Ուրսուլա ֆոն դեր Լայենին փոխարինող է փնտրում․ #Bloomberg
20717:00Ժապարովն ու Ալիևը այցելել են օկուպացված Արցախ
11416:00«Ուկրաինան շուտով կդադարի գոյություն ունենալ, եթե․․․»․ Լուկաշենկո
15015:48«Սահմանը ձգվելու է Բաղանիսի այժմյան աղբավայրի մեջտեղով»․ Ոսկան Սարգսյան
8515:30«Թող հետո չլացեն, ասեն՝ Նիկոլի հրամանն էինք կատարում»․ Գեղամ Մանուկյանը՝ բարձրաստիճան զինվորականներին (տեսանյութ)
11015:18