Կրեմլը հայտնել է՝ որն է Պուտինի և Զելենսկու հանդիպման պայմանը

Թուրքիան բազմիցս առաջարկել է իր ծառայությունները Ուկրաինայի հարցով խաղաղ բանակցություններ կազմակերպելու համար, սակայն Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկու հանդիպումը անհնար է՝ առանց բանակցողների «տնային աշխատանքի» կատարման, այլ կերպ ասած՝ հանդիպումը կախված է բանակցողների աշխատանքից։ Այս մասին հայտարարել է Կրեմլի խոսնակ Դմիտրի Պեսկովը, փոխանցում է РБК-ն:

«Ուկրաինական կողմը դուրս է եկել տեսադաշտից. հատուկ ռազմական գործողությունը շարունակվում է»,- հավելել է նա։

Պեսկովն ընդգծել է, որ առայժմ պայմաններ չկան Ռուսաստանի և Ուկրաինայի միջև բարձր մակարդակով հանդիպում անցկացնելու համար։