Երեքշաբթի, 27 սեպտեմբերի, 2022 թ.
|
Ստեփանակերտում`   +12 °C

Հայտնի է նոր հակառուսական պատժամիջոցների ներդրման ամսաթիվը

Հայտնի է նոր հակառուսական պատժամիջոցների ներդրման ամսաթիվը
505
Հինգշաբթի, 22 սեպտեմբերի, 2022 թ., 20:12

Հոկտեմբերի 6-ին և 7-ին Պրահայում տեղի կունենա ԵՄ առաջնորդների հանդիպումը։ Մասնակիցները կքննարկեն նոր հակառուսական պատժամիջոցների ներդրման հարցը։ Այդ մասին գրում են լրագրողները՝ հղում անելով աղբյուրներին։

Նշվում է, որ օրակարգային թեմաներից են լինելու, մասնավորապես, նավթի գների վերին սահմանի սահմանումը, Ռուսաստան բարձր տեխնոլոգիաների արտահանման հետ կապված միջոցառումների ուժեղացումը և ֆիզիկական անձանց նկատմամբ նոր պատժամիջոցները։

«Սպասվում է, որ Եվրոհանձնաժողովը գրավոր առաջարկներ կներկայացնի (պատժամիջոցների վերաբերյալ) հաջորդ շաբաթ, և ԵՄ 27 երկրների ղեկավարները կարող են դրանք հաստատել հոկտեմբերի 6-7-ը Պրահայում կայանալիք հանդիպման ժամանակ»,- հայտնում է Reuters-ը։

Հանդիպման մասնակիցները կխոսեն նաև Ռուսաստանի Դաշնության տարածք շքեղ ապրանքների արտահանման արգելքի մասին։

Ռուսաստանի դեմ պատժամիջոցներ են սահմանվում Ուկրաինայում Մոսկվայի հատուկ գործողության ֆոնին։ Այն սկսվել է փետրվարի 24-ին և շարունակվում է մինչ օրս։ Ռուսաստանի Դաշնության դեմ արդեն իսկ ներդրվել են աննախադեպ սահմանափակող միջոցներ։

Ինչպես ավելի վաղ հայտնի էր դարձել, Եվրոմիությունը մտադիր է նոր հակառուսական պատժամիջոցներ կիրառել։ Ցուցակում կընդգրկվեն անձինք, որոնք ներգրավված են Դոնբասի, Զապորոժիեի և Խերսոնի շրջանների՝ Ռուսաստանի Դաշնությանը միանալու վերաբերյալ հանրաքվեների կազմակերպման մեջ։ Այս մասին հայտարարել է եվրոպական դիվանագիտության ղեկավար Խոսեպ Բորելը։

Նրա խոսքով՝ պատժամիջոցների տակ կհայտնվեն նաև մյուս ռուսները, ովքեր պատասխանատու են «միջազգային իրավունքի խախտման համար»։