«Այնպիսի կախվածություն է ստեղծվել, որ Ադրբեջանը, երբ ուզի՝ կարող է անելանելի վիճակ ստեղծել ղարաբաղցիների համար». Ռ. Քոչարյան

«Ղարաբաղի իշխանության կախվածությունը Բաքվից այս ընթացքում միայն մեծացել է: Այն փաստը, որ նոր ճանապարհի հետ չի կառուցվել գազամուղ, էլեկտրական սյուները չեն տեղափոխվել, և կապի մալուխը մնացել է նույն՝ հին ճանապարհի վրա, այնպիսի մի կախվածություն է ստեղծում, որ Ադրբեջանը ցանկացած ժամին՝ երբ ուզի, կարող է անելանելի վիճակ ստեղծել ղարաբաղցիների համար: Եվ Ղարաբաղի իշխանության համար սա ևս լինելու է մի բացատրություն, թե ինչու է պետք համագործակցել Ադրբեջանի հետ»,- այսօր հրավիրած մամուլի ասուլիսի ժամանակ հայտարարեց ՀՀ երկրորդ նախագահ Ռոբերտ Քոչարյանը: