«Արևմուտքն այստեղ նույնիսկ 500 զինվոր չի ուղարկի»․ քաղաքագետ

Քաղաքագետ Հրանտ Միքայելյանը 24TV-ի եթերում անդրադառնալով նոյեմբերի 8-ին օկուպացված Շուշիում Իլհամ Ալիևի ելույթին՝ նկատել է․ «Վտանգի տակ ենք. Ադրբեջանը նոր պատերազմ կարող է սկսել, պետք է ռազմավարություն մշակենք, ոչ թե բանակցությունները տապալենք, հետո մտածենք, թե զինվորը ոնց պահի սահմանը: Հայաստանն Իրանի և Հնդկաստանի հետ հարաբերությունները լավացնելու փոխարեն 30 տարի է քննարկում է՝ Արևմո՞ւտքը, թե՞ Ռուսաստանը: Խնդրի լուծումը մեկը մյուսով փոխարինելը չէ՛, հատկապես Արևմուտքն այս տարածաշրջանում անմիջականորեն ներկայացված չէ, ռուսական զորքը ՀՀ-ում, Արցախում բավական մեծ է՝ մոտ 5000, Արևմուտքն այստեղ նույնիսկ 500 զինվոր չի ուղարկի: Առաջնային է Հնդկաստանի, Իրանի և արաբական երկրների հետ հարաբերությունները լավացնելը: Ֆրանսիան Թուրքիային զսպելու շահեր ունի, բայց, տեսնելով ՀՀ-ի պասիվությունը, ասում է՝ միջնորդի դեր կստանձնեմ»: