«Ո՞ւր են սոցիալական ծառայությունների աշխատողները». Տիգրան Դավուդյան

Իրանագետ Տիգրան Դավուդյանի գրառումը. «Ո՞ւր են սոցիալական ծառայությունների աշխատողները. պետական տասնյակ օղակներում կան սոցիալական ծառայողներ՝ Ոստիկանությունում, նախարարություններում, քաղաքապետարանում, վարչական շրջաններում, զանազան ֆոնդերում. որին զանգես, կասեն հասցե ասեք, մենք չենք նկատել։ Այս կինն ինձ պատմեց, որ դեռ ծննդաբերելուց առաջ միշտ այս տարածքում է։ Այրի է, բնակվում է իր մահացած մոր բնակարանում և նման պայմաններում մեծացնում է մեր ապագա սերնդին։ Քաղաքի կենտրոնական փողոցն է սա (Մաշտոց), որտեղից ամեն րոպե անցնում են ոստիկաններ, համայնքային ու պետական ծառայողներ, ավագանիներ ու պատգամավորներ, բայց ոչ ոք նրան չի նկատում։ Եթե անգամ սոցիալական ծառայություններում գրանցված են, պետք է նրանց հանդեպ ավելի խստապահանջ լինեն, որովհետև թե մեր ապագա սերնդի դաստիարակությունն է նրանց ձեռքում և թե երկրի ու քաղաքի պատկերն է աղավաղում»։