Ռուբեն Ռուբինյանն այցելել է Սաղմոսավանք, հանդիպել Տեր Օշինի հետ

ԱԺ փոխնախագահ Ռուբեն Ռուբինյանը ֆեյսբուքյան եթերում հայտնում է․ «Վերադառնում եմ Սաղմոսավանքից։ Տեր Օշինը, ցավոք, չհերքեց, որ քաղաքացուն ասել է, որ՝ «կարևորը քավորը թասիբով մարդ լինի, ՔՊ-ական չլինի»։ Ստիպված եղա Տեր Օշինին բացատրել և զգուշացնել, որ եկեղեցում մարդուն քաղաքական հայացներով կամ կուսակցական պատկանելիությամբ պայմանավորված խտրականության ենթարկելը հակասում է և՛ հոգևոր, եկեղեցական կանոններին, և՛ պարունակում է Քրեական օրենսգրքով սահմանված հոդվածի տարրեր։ Ընդհանարապես, սա պետք է հիշեն մեր բոլոր եկեղեցակաները, հատկապես նրանք, ովքեր եկեղեցին շփոթում են Քոչարյանի կամ օլիգարխների նախընտրական շտաբի հետ»։