«Դուք արդարադատություն չեք իրագործում, դուք դատում եք արդարությունը»․ Բագրատ Սրբազան

«Դուք արդարադատություն եք անում, բայց թույլ տվեք այդ բառը ստուգաբանել՝ դատում եք արդարությունը, ոչ թե արդարադատություն է իրագործվում»,- այսօր «Սրբազան պայքար»-ի գործով դատական նիստի ավարտին իր խոսքում ասաց Բագրատ Սրբազանը՝ դիմելով դատավորին։ «Մի ձգտեք լինել դատավոր, որ չեք կարող այդ բեռը բարձրացնել, ինչքան ուզում եք ձգտեք՝ չեք կարող, փոխվելու է այս քաղաքական իշխանությունը, հետո ասելու եք՝ դե մենք ի՞նչ անենք, մեզ ասել են՝ արել ենք։ Մենք ձեզ ներելու ենք, բայց արդարադատություն ենք իրականացնելու։ Ցավոք սրտի ակնկալիք չունենք ոչ մի ձևի, ակնկալիք կունենայի, եթե այս ամբողջ պրոցեսը տեսած չլինեի, հոգնած չլինեի ուղղակի՝ թե՛ մտածելուց, թե՛ խոսելուց։ Դուք հանձն եք առել մարտադաշտ մտնել մեզ հետ, մենք հանձն չենք առել ձեզ հետ մարտադաշտ մտնելու. մեր կռիվը ուրիշ տեղ է»,- նշեց Սրբազանը։