Երկուշաբթի, 23 փետրվարի, 2026 թ.
|
Ստեփանակերտում`   +8 °C

«Էփշտեյնն ԱՄՆ-ում վեց գաղտնի պահոց ուներ, որտեղ թաքցնում էր իր արխիվը»․ #TheTelegraph

«Էփշտեյնն ԱՄՆ-ում վեց գաղտնի պահոց ուներ, որտեղ թաքցնում էր իր արխիվը»․ #TheTelegraph
135
Այսօր, 17:49

Ֆինանսիստ Ջեֆրի Էփշտեյնը վեց պահեստային տարածք է վարձակալել ԱՄՆ-ի ողջ տարածքում, որտեղ իշխանություններից թաքցրել է իր անձնական արխիվը, գրում է բրիտանական The Telegraph-ը: Թերթի կողմից ձեռք բերված փաստաթղթերի համաձայն՝ Էփշտեյնը վարձել է մասնավոր խուզարկուների՝ Ֆլորիդայի իր տնից և Կարիբյան ծովի մասնավոր կղզուց համակարգիչներ և այլ նյութեր հանելու համար, ակնհայտորեն՝ դրանք քննիչներից թաքցնելու փորձի համար։

Նշվում է, որ Էփշտեյնը վարձակալել է Ֆլորիդայի պահեստային տարածքներից մեկը առնվազն 2003 թվականից, և կանոնավոր վճարումներ են կատարվել մինչև 2019 թվականը, երբ նա մահացել է բանտում։ 2000-ականների կեսերին ֆինանսիստը, ստանալով տեղեկատվություն սպասվող խուզարկության մասին, խուզարկուներին վճարել է տասնյակ հազարավոր դոլարներ՝ իր արխիվը Նյու Յորքի գաղտնի պահեստ տեղափոխելու համար։

Ընդ որում, քննիչներն այդպես էլ խուզարկություններ չեն անցկացրել այդ տարածքներում, ինչը մեծացնում է հավանականությունը, որ այնտեղ կարող են գտնվել Էփշտեյնի գործով նախկինում չուսումնասիրված նյութեր, նշում է The Telegraph-ը:

Թե ինչ է եղել արխիվի հետ, որը թաքցրել են գաղտնի պահոցներում, մնում է անհասկանալի, հավելում է թերթը։