«Ինձ միտումնավոր զրկում են միջազգային հարթակներում Հայաստանի շահը ներկայացնելուց». Աշոտյան

Ֆեյսբուքյան իր էջի ուղիղ եթերում ՀՀԿ փոխնախագահ Արմեն Աշոտյանը վստահեցրեց, որ իր հանդեպ քաղաքական հետապնդում է իրականացվում: Նա ասաց, որ ինքը ժամանակին ասել է՝ կամ իր դիակը կհանեն Քննչականից, կամ ինքը դուրս կգա ու Նիկոլ Փաշինյանի քաղաքական դիակը կհանի Կառավարությունից: «Սակայն Նիկոլը պատրաստ չէր ոչ առաջինին, ոչ երկրորդին, դրա համար էլ ինձ ստորագրությամբ ազատ արձակեցին»,- ասաց նա:

Աշոտյանը նաև անդրադարձավ իր հանդեպ կիրառված՝ երկիրը չլքելու արգելքին: Ըստ նրա, սա միտումնավոր է արված, որպեսզի իրեն զրկեն միջազգային կարևոր հարթակներում Հայաստանի ու Արցախի շահերը պաշտպանելուց: