«Ադրբեջանական թելեգրամյան ալիքներով ինտենսիվ ապատեղեկատվություն է տարածվում». Տաթևիկ Հայրապետյան

ԱԺ նախկին պատգամավոր Տաթևիկ Հայրապետյանը ֆեյսբուքյան իր էջում գրել է. «Ադրբեջանական թելեգրամյան ալիքներով ինտենսիվ ապատեղեկատվություն է տարածվում, որն արագորեն մտնում է հայկական տիրույթ: ՀՈՐԴՈՐՈՒՄ ԵՄ ՍՏՈՒԳԵՔ, ԹԵ ԻՆՉ ԵՔ ՏԱՐԱԾՈՒՄ և ՄԻ՛ ՏԱՐԱԾԵՔ ԿԵՂԾ ՏԵՂԵԿԱՏՎՈՒԹՅՈՒՆ: Խոսքն ԱՄՆ և ՌԴ դեսպանատների սեպտեմբերին արված հայտարարությունների մասին է, որով հորդորում էին իրենց քաղաքացիներին չգնալ սահմամերձ շրջաններ: Այժմ ադրբեջանական քարոզչական ցանցը վերակենդանացրել է այդ հորդորը և քչերն են նայում, որ դա գրվել է ՍԵՊՏԵՄԲԵՐ ամսին: Այս ամենի նպատակը հայ հանրության շրջանում պանիկա տարածելն է: Այդ մասին մանրամասն գրում եմ և արագ ներկայացնում իմ թելեգրամյան ալիքում»: