Երեքշաբթի, 24 մարտի, 2026 թ.
|
Ստեփանակերտում`   +8 °C

«Առաջարկում ենք ներդնել ՀՀ ռեզիդենտ բոլոր քաղաքացիների եկամուտների համընդհանուր հայտարարագրման համակարգ». նախարար

«Առաջարկում ենք ներդնել ՀՀ ռեզիդենտ բոլոր քաղաքացիների եկամուտների համընդհանուր հայտարարագրման համակարգ». նախարար
880
Հինգշաբթի, 17 նոյեմբերի, 2022 թ., 11:18

«Հարկային օրենսգրքում փոփոխություններ և լրացումներ կատարելու մասին» նախագծերի փաթեթի քննարկման ժամանակ Ֆինանսների նախարարը ներկայացրեց առաջարկվող լուծումները. «Առաջարկում ենք 2023 թվականից սկսած՝ երեք հաջորդ տարիների ընթացքում, ներդնել ՀՀ ռեզիդենտ բոլոր քաղաքացիների եկամուտների համընդհանուր հայտարարագրման համակարգ: Հայտարարագիրը պետք է նախալրացվի հարկային մարմնի կողմից: Նախատեսվում է, որ դրանում ինքնաշխատ եղանակով պետք է լրացվի հարկային մարմնի տրամադրության տակ առկա տեղեկատվությունը: Յուրաքանչյուր ֆիզիկական հայտարարատու անձ ունենալու է նույնականացված հաշիվ՝ հայտարարագրերի համակարգում: Հայտարարագիրը պետք է հայտարարատուի կողմից հաստատվի մինչև յուրաքանչյուր տարվան հաջորդող ապրիլի 20-ը»: Տիգրան Խաչատրյանը նշեց, որ նախատեսվում է հայտարարագրմանը զուգահեռ ներդնել նաև խթանող միջոցառումներ:

Վարչապետ Նիկոլ Փաշինյանն արձագանքեց. «Այս և մի շարք այլ ինստիտուներով քաղաքացին արձանագրում է պետություն ունենալու իր կամքը, ինչը չափազանց կարևոր է»:

«Առաջարկում ենք ներդնել ՀՀ ռեզիդենտ բոլոր քաղաքացիների եկամուտների համընդհանուր հայտարարագրման համակարգ». նախարար