Պուտինի հրամանագրից հետո նավթի գինն սկսել է աճել

Լոնդոնի ICE Futures բորսայում Brent տեսակի նավթի փետրվարյան ֆյուչերսների արժեքն աճել է 1,86%-ով՝ հասնելով 85,48 դոլարի՝ մեկ բարելի դիմաց՝ Երևանի ժամանակով 20:31-ի առքուվաճառքի տվյալներով։

Նյու Յորքի ապրանքային բորսայում WTI տեսակի նավթի փետրվարյան մատակարարումների ֆյուչերսների արժեքն աճել է 1,78%-ով՝ հասնելով 80,978 դոլարի՝ մեկ բարելի դիմաց։

Նավթի գնանշումներն սկսել են աճել այն լուրերից հետո, որ Ռուսաստանի նախագահ Վլադիմիր Պուտինը հրամանագիր է ստորագրել նավթի գնի առաստաղին պատասխան միջոցների մասին, նշում են ռուսական լրատվամիջոցները։ Հրապարակված հրամանագրից հետևում է, որ օտարերկրյա քաղաքացիներին և ընկերություններին ռուսական նավթի և նավթամթերքի մատակարարումն արգելվում է, եթե պայմանագրերն «ուղղակիորեն կամ անուղղակիորեն նախատեսում են սահմանային գնի ամրագրման մեխանիզմի կիրառում»։ Նավթի մատակարարման արգելքն ուժի մեջ է հրամանագրի՝ ուժի մեջ մտնելու պահից, այսինքն՝ 2023 թվականի փետրվարի 1-ից մինչև 2023 թվականի հուլիսի 1-ը նավթամթերքների մատակարարման համար՝ Ռուսաստանի կառավարության կողմից որոշվող օրվանից: