Հինգշաբթի, 28 մարտի, 2024 թ.
|
Ստեփանակերտում`   +12 °C

Նեթանյահուն ամեն ինչ կանի, որ Իրանը չկարողանա միջուկային զենք ունենալ

Նեթանյահուն ամեն ինչ կանի, որ Իրանը չկարողանա միջուկային զենք ունենալ
209
Չորեքշաբթի, 01 փետրվարի, 2023 թ., 22:30

Իսրայելի վարչապետ Բենիամին Նեթանյահուն CNN հեռուստաալիքին տված հարցազրույցում խոստացել է ամեն բան անել, որպեսզի Թեհրանը չկարողանա միջուկային զենք ունենալ։
«Առաջին տեղում Իրանն է։ Ես՝ որպես Իսրայելի վարչապետ, իմ լիազորությունների շրջանակում ամեն բան կանեմ, որ թույլ չտամ՝ Իրանը միջուկային զինանոց ունենա» - ասել է նա։
Նեթանյահուն նշել է, որ եթե Իրանը միջուկային զենք ունենա, ապա վտանգ կներկայացնի ոչ միայն Իսրայելի, այլև ԱՄՆ-ի համար, իսկ Թեհրանի հետ հարյուրավոր համաձայնագրերի ստորագրումը չի օգնի կանխել այդ սպառնալիքը:
«Միջուկային զենքից հետ պահելու միակ միջոցը Իրանի դեմ կործանարար տնտեսական պատժամիջոցների համադրություն կիրառելն է, բայց ամենակարևորը հուսալի ռազմական սպառնալիքն է»,- ընդգծել է Իսրայելի վարչապետը:
Ինչ վերաբերում է Իրանի Սպահան քաղաքի ռազմական օբյեկտի վրա հարձակմանը, ապա Նեթանյահուն չի հաստատել կամ հերքել Իսրայելի մասնակցությունը։
«Ես երբեք չեմ խոսում կոնկրետ գործողությունների մասին ... Եվ ամեն անգամ, երբ Մերձավոր Արևելքում պայթյուն է լինում, մեղադրում են Իսրայելին կամ նրա վրա բարդում պատասխանատվությունը։ Երբեմն մենք ենք, երբեմն՝ ոչ», - ասել է նա։