«Վահան Քերոբյանը շարունակում է ոչ ադեկվատ հայտարարություններ անել». Ոսկան Սարգսյան

Լրագրող Ոսկան Սարգսյանի գրառումը. ««Սթար» սուպերմարկետների ցանցը տնօրինած, այն սնանկացրած, պիցցա բաժանող ընկերության սեփականատեր, այժմ էկոնոմիկայի նախարար աշխատող Վահան Քերոբյանը շարունակում է ոչ ադեկվատ հայտարարություններ անել, բլթցնել։ Նա Արմենպրեսին հայտնել է․ «Թուրքիայի հետ սահմանի բացումը հանգեցնելու է տնտեսական բարձր աճի, քանի որ թուրքական շուկան, հաղորդակցությունների բացումը տալու է լայն հնարավորություն, հասանելիություն՝ թե հենց թուրքական շուկային, թե մերձավորարևելյան երկրներ ապրանքներ տեղափոխելու մասով»:
Հայաստանի՞ց ինչ է արտահանվելու Թուրքիա և մերձավորարևելյան երկրներ։ Հայաստանից հիմնականում արտահանվում են պղձնի, մոլիբդենի խտանյութ, որոնք այժմ էլ հասնում են արտերկրի վերամշակող գործարաններ, հայկական կոնյակի, ծիրանի և այլ մրգերի, բանջարեղենի սպառման շուկան էլ Ռուսաստանն է»: