Վահե Դավթյանը՝ իրանա-ադրբեջանական սերտ էներգետիկ կապերի մասին

Էներգետիկ անվտանգության հարցերով փորձագետ Վահե Դավթյանը թելեգրամյան իր էջում գրել է. «Իրանա-ադրբեջանական սերտ էներգետիկ կապերը հասկանալու, տարածաշրջանի հետագա էներգետիկ ճարտարապետությունը կանխատեսելու ու, առհասարակ, աշխարհաքաղաքական կլիշեներից զերծ մնալու ու ռեալպոլիտիկը ճիշտ գնահատելու համար պարզապես հիշեք, որ Իրանը ադրբեջանական «Շահ Դենիզ» նավթագազային հանքավայրերի խմբի 10%-ի սեփականատերն է (NICO ընկերության միջոցով):

Խոսքը նույն այն «Շահ Դենիզի» մասին է, որն ամսական թույլ է տալիս գեներացնել մինչև 800 մլն դոլար ու որում արդյունահանվող գազն արտահանվում է Եվրոպա բրիտանական BP-ի, իտալական Snam-ի և մի շարք այլ արևմտյան ընկերություններին պատկանող «Հարավային գազային միջանցքով»»: