Իրանը շուտով պատասխան պատժամիջոցներ կսահմանի ԵՄ-ի դեմ

Փետրվարի 20-ին ԵՄ-ն երկարաձգեց Իրանի դեմ պատժամիջոցները, այսպես կոչված, «բողոքի ցույցերը ճնշելու» պատճառով՝ սև ցուցակում ներառելով ևս 32 ֆիզիկական անձի և 2 կազմակերպություն: Սև ցուցակում ընդգրկված անձանց թվում են պաշտոնյաներ, անվտանգության ուժերի, դատական ​​և քրեակատարողական համակարգերի աշխատակիցներ, այդ թվում՝ Իրանի մշակույթի և իսլամական առաջնորդության նախարար Մոհամմադ Մեհդի Էսմայիլին և կրթության նախարար Յուսեֆ Նուրին: Պատժամիջոցների ենթարկված իրավաբանական անձինք ոստիկանության և անվտանգության ուժերի ֆինանսավորման հետ կապված կառույցներ են։
Ինչպես փետրվարի 15-ին հայտարարեց Եվրոհանձնաժողովի ղեկավար Ուրսուլա ֆոն դեր Լեյենը, Եվրոմիությունը մտադիր է նաև փետրվարի 24-ին Իրանի դեմ պատժամիջոցների առանձին բլոկ մտցնել՝ որպես հակառուսական պատժամիջոցների տասներորդ փաթեթի մաս։ Դրանում ներառվելու են իրավաբանական և ֆիզիկական անձինք, որոնք, ԵՄ-ի կարծիքով, առնչություն ունեն Ռուսաստանին իրանական ռազմական մատակարարումների հետ։
Թեհրանը բազմիցս զգուշացրել է Արևմուտքին իր միջամտողական վարքագծի հետևանքների մասին՝ նշելով, որ նման միջոցներն անպատասխան չեն մնա։